Спартдзір «Іслачы» Бычанок пра фінал Кубка Беларусі: «Перад такімі матчамі не трэба казаць гульцам лішніх слоў. Кожны ўсё разумее»

Спартыўны дырэктар «Іслачы» Аляксандр Бычанок распавёў аб падрыхтоўцы да фіналу кубка Беларусі супраць «Нёмана».

Гульня пройдзе 25 траўня ў 19:00.

- Вы ўвесь час прысутнічаеце на трэніроўках каманды. Як ніхто іншы ведаеце атмасферу. Матывацыя, мусіць, залімітавая.

- Настрой добры ў рабят. Перад такімі матчамі не трэба ім казаць лішніх слоў. Усё ж гэта трафей. Кожны прафесійны футбаліст усё разумее. Матывацыя вялікая, фізічны стан добры.

- Тры гады таму ўжо ўдзельнічалі ў фінале. З таго часу зроблена праца над памылкамі?

- Нядаўна глядзеў фатаграфію, з таго складу ўжо нікога няма.

- Толькі Дзмітрый Аляксандравіч…

- Так, і той у трэнерскім штабе. У фінале ён тады забіў. Так што зусім іншая каманда. Спадзяюся, настрой будзе такім жа, як і тры гады таму ў Гомеле.

- Спецыялісты называюць «Нёман» фаварытам, але ў вас зусім іншы бок. Што можа стаць галоўным козырам?

- Характар, настрой, футбольны поспех. Ніхто яе не адмяняў, – сказаў Бычанок.