Сын Гутара здзівіўся атмасферы на матчы Бундэслігі – калісьці падобнае можна было назіраць у Беларусі
У Брэсце было не горш.
Чэмпіянат Беларусі завяршыўся крыху менш за тры тыдні таму. Большасць футбалістаў адправіліся ў водпуск: хтосьці ў Эміраты, хтосьці на Мальдывы, а хтосьці вырашыў паглядзець азіяцкія краіны:
Брамнік БАТЭ Аляксандр Гутар абраў не самы папулярны маршрут і адправіўся ў Леверкузен, дзе разам са сваёй жонкай і старэйшым сынам наведалі матч мясцовага «Байера» з «Бохумам» у чэмпіянаце Германіі. Падапечныя Хабі Алонса ў гэтым сезоне паказваюць цудоўны вынік: «аспірынавыя» лідзіруюць ў бундэслізе і з'яўляюцца адзінай камандай з топ-5 чэмпіянатаў, якая яшчэ не прайгравала ў гэтым сезоне ні ў адным з турніраў!
«Баер» упэўнена разабраўся з супернікам – 4:0. Але на сям'ю Гутара куды большае ўражанне зрабіла не дзеянне, паказанае камандамі на полі, а сама атмасфера матча. Напрыклад, жонка варатара БАТЭ Марына выказала спадзяванне, што калі-небудзь такі перформанс можна будзе ўбачыць на стадыёнах Беларусі:
А яшчэ Марына расказала, што паход на футбол, дзе ўдзел не прымае Аляксандр, для іх сямʼі здарыўся ўпершыню:
Але здаецца, што больш за ўсіх уражанняў набраўся Данііл. Сын Гутара, як напісаў сам галкіпер, не ведаў, што на футболе так бывае:
У сераду ўвечары на «Бай-Арэне» у Леверкузене сапраўды была топ атмасфера. Трыбуны, якія ўмяшчаюць 30210 чалавек, сабралі аншлаг. Прама зараз у Беларусі ні адна арэна не зможа прыняць столькі гледачоў.
Але для стварэння крутой атмасферы ёмістасць стадыёна не заўсёды гуляе вырашальнае значэнне. Пра гэта павінен памятаць і сам варатар БАТЭ. У 2019 годзе Гутар выступаў у складзе чэмпіёнскага брэсцкага «Дынама». У горадзе над Бугам умелі рабіць прыгожа:
У 2019 годзе сыну Гутара было 2 гады і ён наўрад ці памятае той сезон. А сёлета на хатнія паядынкі БАТЭ ў чэмпіянаце Беларусі ў сярэднім прыходзіла 2535 чалавек. Улічваючы, што фан-сектар барысаўчан з 2020 года байкатуе матчы, атмасфера на гульнях жоўта-сініх была відавочна далёкая ад леверкузенскай. А калі прыняць як факт словы жонкі Гутара, што паход на матч «Баер» – «Бохум» стаў першай гульнёй для іх сямʼі без удзелу Аляканда, то эмоцыі Данііла становяцца яшчэ больш зразумелымі. У бягучым сезоне ён мог наведаць толькі адзін матч бацькі ў Беларусі – кубкавы паядынак з Астраўцом (3:1). Па пратаколе тая сустрэча сабрала 1525 чалавек...
Што ж, застаецца спадзявацца гэтак жа, як Марына Гутар, што калі-небудзь на беларускія стадыёны вернецца атмасфера свята.
Іншыя пасты карыстальніка
