Мінскае «Дынама» ўпершыню прайграла ў 2024-м. Не змагло справіцца з навічком Д1
Хоць Быкаў і забіў шалёны мяч.
У суботу, 3 студзеня, мінскае «Дынама» правяло свой чацвёрты і пяты спарынг у сёлетняе міжсезонне. Тры папярэднія прайшлі ў рамках турніру Mogilev Cup-2024, дзе дынамаўцы выйгралі ў «Гомеля» (3:1), «Дняпра» (1:0) і «Нёмана» (1:0), але кубак за перамогу ім далі толькі патрымаць.
У першым матчы суботы падапечныя Вадзіма Скрыпчанкі ўпэўнена справіліся з «Маладзечна» (Д2) – 5:0. Агляд гэтай сустрэчы можна паглядзець тут. У другой гульні ў суперніках «Дынама» быў навічок будучага сезона вышэйшай лігі «Віцебск». Лік у матчы на 28-й хвіліне адкрыў Руслан Цевераў, рэалізаваўшы пенальці (адзнака 1:20):
На 41-й Яўген Красноў падвоіў перавагу гасцей (адзнака 2:15):
У другім тайме «Дынама» змагло адзін мяч адыграць. На 65-й хвіліне шалёны па прыгажосці ўдар выканаў Арцём Быкаў (адзнака 3:36):
На больш падапечных Вадзіма Скрыпчанку не хапіла, і матч завяршыўся перамогай «Віцебска» (2:1). Гэта параза для «Дынама» стала першай у 2024-м. Да ёй апошнім разам «бела-блакітныя» прайгравалі 2 лістапада БАТЭ (0:1) у 19-м туры чэмпіянату-2023.
