«Дынама» аформіла разгром былому трэнеру – з пасамі праз усё поле і голам з разводу
Лёгкі шпацыр.
16 сакавіка ў 1-м туры ЧБ мінскае «Дынама» прымала «Смаргонь». Для гаспадароў матч атрымаўся лёгкім, у адрозненне ад БАТЭ і «Нёмана» раней у той жа дзень.
Ужо на 20-й хвіліне лік адкрыў 17-гадовы Арцём Сакалоўскі, які паспеў вызначыцца ў Кубку супраць БАТЭ.
На 29-й хвіліне абарона «Смаргоні» зноў аказалася не гатовая – расіянін Павел Мялёшын занёс мяч літаральна з лініі варот.
А ўжо на 31-й забіў вінгер Раман Бегуноў, якога забылі на флангу.
Ну а ўжо на 42-й хвіліне кіпер мінчан Фёдар Лапавухаў пакаціў на Бегунова, а той закідам праз усё поле вывеў сам-насам Рэйманда Адэолу, якога ніхто са «Смаргоні» ўтрымаць не змог.
Ну а пяты гол «Дынама» забіла з разводу з цэнтра поля ў пачатку другога тайма – мяч дайшоў да сеткі за 10 секунд, далёкім ударам вызначыўся зноў Адэола.
Больш «Дынама» не забівала, але і так хапіла – 5:0 і ўпэўненае часовае лідарства ў табліцы. Перад матчам галоўны трэнер «Смаргоні» Ігар Слесарчук казаў, што чакае «з нецярпеннем гульні, барацьбы» – але вось барацьбы ў каманды экс-памочніка Вадзіма Скрыпчанкі неяк не атрымалася.
У нядзелю ў 13:00 «Тарпеда-БелАЗ» гуляе на выездзе з «Арсеналам», у 15:00 «Слуцк» прыме «Гомель», а ў 17:00 «Шахцёр» дома сустрэнецца з «Віцебскам».
Іншыя пасты карыстальніка
