Узыходзячую зорку «Барсы» злавілі на лайках актрысы фільмаў для дарослых. Падобна, хлопец не чакаў такой увагі
Паў Кубарсі ўжо ўсё выдаліў, але інтэрнэт памятае.
Паў Кубарсі стаў сапраўдным адкрыццём «Барселоны» ў гэтым сезоне. З-за траўм гульцоў «асновы» 17-гадовы хлопец дэбютаваў у стартавым складзе ў студзені 2024-га і з таго часу рэгулярна выходзіць на поле.
«Гэта неверагодны гулец, – захапляўся Хаві. – Ненармальна, калі ў яго ўзросце так гуляюць. Вар'яцтва, проста няма слоў. Па-за маім разуменнем».
Нядзіўна, што пасля такога поспеху інтэрнэт-супольнасць больш пільна сочыць за маладым чалавекам. На днях, яны заўважылі пікантную дэталь у Instagram Кубарсі – малады чалавек залайкаў практычна ўсе фатаграфіі зоркі фільмаў для дарослых Ланы Роўдс.
Амара Мэйпл, больш вядомая пад сцэнічным псеўданімам Лана Роўдс, пачала сваю карʼеру ў 19 гадоў. Дзяўчына паспела зняцца ў больш чым у 200 фільмах і атрымаць мноства ўзнагарод, перш чым у 2019-м годзе пакінула порнаідустрыю.
Лана таксама сцвярджае, што ў яе ёсць дзіця ад адной з зорак НБА, але не раскрывае, ад каго менавіта.
«Клянуся, я думала, што гульцы НБА – мілыя хлопцы. Але потым я сказала: «Я цяжарная». Ён сказаў, каб я прыбіралася адсюль», – сказала Роўдс.
Раней зʼяўляліся чуткі, што дзяўчына сустракаецца з Блэйкам Грыфінам, які з 2021 года выступаў за «Бруклін».
Бацькоўства таксама прыпісваюць лідэру «Нэтс» Кевіну Дзюрэнту. Улетку 2021 года Роўдс распавядала аб спатканні з вядомым гульцом бруклінскай каманды. Лана не назвала імя баскетбаліста, але адзначыла, што па знаку задыяку ён Шалі. Адзіны ў той час гулец у «Брукліне» з падобным знакам – Дзюрэнт.
Хоць Роўдс больш не зʼяўляецца акторкай, яна працягвае дзяліцца са сваімі падпісчыкамі палымянымі фатаграфіямі. Кубарсі, мяркуючы па ўсім, зʼяўляецца адным з яе вялікіх прыхільнікаў. Праўда пасля таго, як гэтая інфармацыя стала здабыткам грамадскасці, гулец выдаліў усе свае лайкі.
Хоць 17-гадоваму абаронцу падабаюцца фатаграфіі Ланы, яна не адзіная, хто прыцягнуў увагу юнага Паў. Карыстальнікі Twitter заўважылі лайк на правакацыйнай фатаграфіі адноый з самых прыгожых футбалістак свету Алішы Леман.
Іншыя пасты карыстальніка
