Каралёк пра міжнародны бан: «Беларусь моцна страціць у рэйтынгах. Потым трэба будзе скокнуць вышэй галавы, каб трапіць на буйны турнір»
Лінейны зборнай Беларусі па гандболе Арцём Каралёк расказаў пра тое, як санкцыі паўплывалі на беларускія гандбольныя каманды.
Нагадаем, што шматлікія беларускія каманды і спартсмены былі адхілены ад міжнародных спаборніцтваў у адказ на вайну, якая з 24 лютага працягваецца Расіяй ва Украіне з выкарыстаннем тэрыторыі Беларусі.
– Як думаеш, ці хутка нашыя каманды вернуцца ў вялікія турніры?
– Калі бы гэта ні здарылася, праблема ў тым, што за час прастою мы моцна страцім у рэйтынгу. У адборачных турнірах давядзецца гуляць з топ-супернікамі, і трэба будзе скокнуць вышэй галавы, каб трапіць на буйны турнір. Гэта ў свой час ужо праходзіла зборная, у якой гулялі Рутэнка, Пухоўскі. Але ў іх атрымлівалася перамагаць тых жа славенцаў. Нам давядзецца ісці падобным шляхам, – сказаў Каралёк.
