Экс-трэнер жаночай зборнай Беларусі Бразінскі: «Не гулялі на Еўра амаль 15 гадоў, за гэты час гандбол сышоў далёка наперад»
Экс-трэнер жаночай зборнай Беларусі Леанід Бразінскі ацаніў узровень жаночай і мужчынскай зборнай Беларусі.
– Леанід Іванавіч, не так даўно завяршыўся жаночы чэмпіянат Еўропы ў Славеніі, Паўночнай Македоніі і Чарнагорыі. Напярэдадні «старога» Новага года стартуе чарговае планетарнае першынство сярод мужчын у Польшчы і Швецыі. На Ваш погляд, як бы глядзеліся нашы нацыянальныя каманды на гэтых турах?
– Цяжка сказаць. Асабліва пра нашых дзяўчат, якія не гулялі ў фінальнай частцы Еўра ўжо амаль паўтара дзясятка гадоў. За гэты час гандбол ужо сышоў далёка наперад. І, у немалой ступені, у плане псіхалогіі і ўласнай самаацэнкі. А што тычыцца мужчынскага калектыву, то тут таксама адназначна не скажаш. Так, у падапечных Юрыя Шаўцова ёсць свой багаж згуляных паядынкаў на многіх топ-турнірах. Але, калі не прыдумляць нешта новае, не працаваць з гульцамі і трэнерамі беларускіх клубаў, не праводзіць семінары, даводзячы новыя распрацоўкі сучаснага еўрапейскага гандбола, то складана будзе чакаць ад каманды высокіх вынікаў, – сказаў Бразінскі.
