Каралёк пра траўму пляча: «Сам не заўважыў, як атрымаў пашкоджанне ў спарынгу з расіянамі. Спадзяюся, праз два з паловай – тры тыдні ўжо буду гуляць»

Лінейны зборнай Беларусі і «Віве Кельце» Арцём Каралёк расказаў пра характар траўмы, якую ён атрымаў у першым спарынгу нацыянальнай каманды супраць расіян 11 сакавіка. У другім матчы беларус удзелу не браў.

«Сам не заўважыў, як атрымаў пашкоджанне. Прыкладна памятаю, у якім моманце, але як менавіта траўміраваўся – не. Мне сказалі, што гэта сапраўды не ад удару. Напэўна, нехта пацягнуў за руку. Калі вярнуўся ў абарону, адчуў боль. Але яна неяк хутка прайшла. Я дайграў матч. Адразу пасля яго ніякіх праблем. Хіба што быў боль, як быццам мяне ўдарылі. Падумаў: можа, упаў на плячо. А пад вечар астыў і ўжо нават не мог падняць руку. Дыягназ – запаленне рататара.

Вадзім Гайдучэнка параіў клініку SportLab у Мінску. Усе, хто там быў, гавораць, што і ўрачы добрыя, і аднаўленне добрае. Вырашыў паспрабаваць, застаўся на тыдзень, кожны дзень хаджу трэніравацца. Я задаволены. У аўторак вяртаюся ў Кельце. Спадзяюся, праз два з паловай – тры тыдні ўжо буду гуляць», – прыводзіць словы Каролька BYsport.