Шаўцоў пра тое, чаму сарваўся спарынг з іншай зборнай: «Дамоўленасць і лісты, якія пацвярджалі б, былі. Але калі МАК не дазволіў дапусціць беларусаў у камандных відах, адразу пайшлі лісты ў НАКі»

Галоўны трэнер зборнай Беларусі па гандболе Юрый Шаўцоў расказаў пра тое, як сарвалася дамоўленасць з адной зборнай для спарынгу ў красавіцкую міжнародную паўзу.

– Уладзімір Канаплёў казаў, што дзякуючы вашым сувязям удалося дасягнуць дамоўленасці аб спарынгу з нейкай зборнай менавіта ў красавіку. Што гэта была за зборная? І чаму ўсё сарвалася?

– Не буду называць гэтую каманду. Дамоўленасць і пацвярджаючыя лісты былі. Але пасля таго, як МАК не дазволіў дапусціць беларусаў у камандных відах, адразу пайшлі лісты ў алімпійскія камітэты краін. Гандбольныя федэрацыі маглі нешта зрабіць, але былі рэкамендацыі мясцовых алімпійскіх камітэтаў. Прадстаўнікі той каманды, што хацела з намі гуляць, пажадалі нам поспехаў і спадзяюцца, што мы будзем супрацоўнічаць далей. На жаль, не атрымалася. На тыя гульні, дарэчы, мы хацелі выклікаць легіянераў, – распавёў Шаўцоў.