Уладзімір Канаплёў: «Заўзею аднолькава за СКА і «Мяшкоў Брэст». Але мая мара – каб у фінальнай серыі згулялi 5 матчаў»

Кіраўнік беларускай Федэрацыі гандбола Уладзімір Канаплёў падзяліўся меркаваннем пра фінальную серыю чэмпіянату Беларусі, у якой СКА гуляе з «Мяшкоў Брэст».

– Мы не шкадуем, што зрабілі такую суперсерыю: па-першае, гэта прыцягвае яшчэ больш гледачоў да гандбола, а па-другое, прыбірае элемент выпадковасці – у серыі перамагае па-сапраўднаму мацнейшы. Я заўзею аднолькава і за СКА, і за «Мяшкоў Брэст»: але мая мара – каб у гэтай серыі былі згуляныя ўсе пяць матчаў.

Калі раптам серыя завершыцца ў трох матчах, то вайскоўцам сталіцы не павінна быць крыўдна. Хоць яны фінішавалі вышэй у гладкім першынстве на пяць ачкоў, СКА трэба вучыцца ў саміх сябе ж.

Ім трэба думаць больш стратэгічна на будучыню: у іх быў Гірык, Рудзь – але яны іх адпусцілі і менавіта гэтых хлопцаў ім зараз не хапае, а ў Брэсце прайшла змена трэнераў - гэта іх завяло: Юрынак, Падшывалаў, Шынкель зайгралі на новым узроўні, каманда стала больш згуртаванай, плюс гульцы Брэста старэйшыя, а гэта таксама перавага, аднак упэўнены трэцяя гульня будзе цікавай, – сказаў Канаплёў.