Пяўніцкі стаў галоўным трэнерам жаночай зборнай Беларусі
Прайшла канферэнцыя Беларускай федэрацыі гандбола, на якой было прынята рашэнне аб змене галоўнага трэнера жаночай зборнай. Валерый Пяўніцкі ўзначаліў каманду замест Аляксандра Сыцько.
Пяўніцкі ўжо ўзначальваў у пачатку 2000-х зборную Беларусі. Пад яго кіраўніцтвам каманда выступіла на чэмпіянаце Еўропы-2004 (апошняе, 16-е месца). Пад яго кіраўніцтвам беларускія гандбалісткі згулялі 12 матчаў, у якіх было 4 перамогі, нічыя і 7 паражэнняў.
Акрамя таго, беларускі спецыяліст працаваў з нацыянальнай камандай Азербайджана і шэрагам еўрапейскіх і афрыканскіх клубаў. У 2021 годзе ён узначальваў маладзёжную зборную Беларусі на чэмпіянаце Еўропы ў другім дывізіёне, дзе яна заняла трэцяе месца.
У апошні час Пеўніцкі займаў пасаду вядучага спецыяліста БФГ.