Дзмітрый Краўчанка: «Прыкладзём максімальныя намаганні для таго, каб «Металург» завяршыў сезон як мага пазней»

Галоўны трэнер «Металурга» Дзмітрый Краўчанка падзяліўся меркаваннем аб матчы з «Віцебскам» (5:2) у Экстралізе.

– Па змесце мы паказвалі добры хакей, але ўсё роўна ёсць нейкія моманты, якія бачаць толькі людзі, якія працуюць у гэтым відзе спорту, прафесіяналы. Маю ў выглядзе эпізоды, калі не сапернік стварыў нейкія экстрэмальныя сітуацыі, а мы самі. Кантраляваць гэтыя сітуацыі я не магу, вы таксама не можаце.

Але такія індывідуальныя пралікі маглі пахаваць каманду і прывесці да адмоўнага выніку. Гэта мяне вельмі моцна хвалюе, таму што на працягу сезона паўтараецца з матча ў матч.

У астатнім перамозе рады, усё выдатна. Заўзятарам дзякуй, нават да Віцебска дабраліся – прыгажуны!

– Маеце на ўвазе, што ёсць хакеісты, якія крыху цягнуць каманду ўніз?

– Гэта вы сказалі. Паўтарыце ім, у мяне іншае меркаванне.

– А вы так не лічыце?

– Не. Калі паглядзіце запіс матчу, убачыце менавіта тое, што я сказаў.

– Па згаданых вамі прычынах не ўдалося завяршыць пераможны матч без нерваў, упэўнена?

– Ён быў трывожным не цалкам. Але ўсё ж такі некаторыя моманты былі, пра якія ўжо сказаў, якія маглі прывесці да змены выніку. А так упэўнена перамаглі – 5:2.

– Пазбегнуць гэтых памылак немагчыма?

– Немагчыма. Хутчэй за гульца можна «пазбегнуць».

– Сёння быў той хакей, які вы хочаце бачыць ад каманды кожны матч?

– Ведаеце, перамогі бываюць розныя. Мы пастаянна гуляем у такі хакей, у якім маем дастаткова момантаў, каб не заканчваць паразай. Але паразы ўсё роўна здараюцца. Цяпер я канстатую, што мы перамаглі. Мінулы раз тлумачыў, чаму прайгралі. Больш няма чаго дадаць. Сёння мы рады.

– Каманда знаходзіцца за межамі шасцёркі. Гэта ўносіць дыскамфорт у калектыў, у вашую працу? Чыста псіхалагічна.

– Я хіба напружаны? Наогул не думаю аб тым, на якім мы месцы. Ідзём ад гульні да гульні: цешымся перамогам, расчароўваемся з-за параз. Не думаем аб бягучай пазіцыі, ідзём і ідзём. Усё роўна ў канцы красавіка ўсё скончыцца – у кагосьці раней, у кагосьці – пазней.

– Але ж вам не ўсё роўна, раней ці пазней?

– Рады, што вы падтрымліваеце нашу каманду, наш горад і наш клуб. Мы прыкладзём максімальныя намаганні для таго, каб завяршыць сезон як мага пазней, – сказаў Краўчанка.