Сяргей Пушкоў: «У «Брэсце» адчуў матывацыю кіраўніцтва»
Расійскі спецыяліст Сяргей Пушкоў падзяліўся меркаваннем аб прызначэнні на пасаду галоўнага трэнера «Брэста»,
– Вярнуўся з добрым працоўным настроем у Экстралігу. Апошнія некалькі месяцаў было шмат вольнага часу. Яго я прысвячаў хакею, глядзеў матчы розных чэмпіянатаў. Можна сказаць, што вывучыў усе каманды, якія ёсць у Беларусі і Расіі. Назапасілася шмат цікавай інфармацыі, якую хочацца рэалізаваць. Не заўсёды магчымасць даведацца пра нешта новае з'яўляецца падчас працы.
– Вы знакаміты трэнер. Чым вас зацікавіла прапанова «Брэста»?
– У клуба ёсць амбіцыі і жаданне дамагацца высокіх вынікаў. Адчуў матывацыю кіраўніцтва. У камандзе вельмі шмат хлопцаў, якія заваёўвалі чэмпіёнствы, гулялі ў зборнай. Многіх з іх я ведаю, гэта пэўны плюс. На паперы наша каманда чэмпіёнская і жадаецца, каб яна такой стала. Рабяты памятаюць густ перамог і ведаюць, як іх дамагацца.
– Вы ўжо некалькі гадоў не працавалі ў беларускім чэмпіянаце. Многае тут змянілася за гэты час?
– За тры гады шмат што змянілася, з'явіліся іншыя фаварыты. Акрамя таго, стала больш канкурэнцыі, гэта ўзмацняе чэмпіянат.
– Напэўна паглядзелі папярэднія матчы брэстчан.
– З боку заўсёды лёгка казаць, што добра, а што дрэнна, але трэба пачаць працаваць і даведацца ўсё знутры.
– Сёння ваш першы працоўны дзень і адразу матч.
– Задача ўсё роўна адна – дамагчыся перамогі. Зразумела, што я толькі прыехаў. Каманду да гульні рыхтаваў трэнерскі штаб, падчас гульні будзем уносіць карэкціроўкі. Цяпер нешта памяняць ці дадаць – вельмі складана, таму што хлопцы працавалі пад кіраўніцтвам іншага спецыяліста. Надаў увагу на тое, што можна палепшыць пры гэтай сістэме, – сказаў Пушкоў.
