Дзмітрый Баскаў: «У «Дынама» ў мяне ёсць функцыя дапамогі ў фармаванні бюджэту»
Былы генеральны дырэктар хакейнага мiнскага «Дынама» Дзмiтрый Баскаў заявіў, што працягвае выконваць пэўныя дзеянні для клуба.
– Я не магу сёння працаваць у хакейнай галіне (у 2021-м Баскаў атрымаў пяцігадовы бан ад ІІХФ за палітычны ціск на супрацоўнікаў ФХБ на пасадзе яе старшыні – Tribuna.com). І, магчыма, гэта нават і нядрэнна.
Чаму я з'яўляюся ў офісе [«Дынама»]? Па-першае, я люблю хакейны клуб «Дынама» і заўсёды буду яго любiць.
Але ў мяне ёсць і пэўная функцыя. Функцыя дапамогі, назавем гэта так. Дапамогі ў фармаванні бюджэту хакейнага клуба «Дынама» Мінск. У тым ліку і з гэтай прычыны я вельмі часта тут з'яўляюся. Ёсць пэўныя даручэнні. Даручэнні выконваць трэба. Таму фармаваць бюджэт, дапамагаць фармаваць бюджэт клубу – гэта мая функцыя.
Ведаеце, клуб вельмі доўгі час жыл за бюджэтныя грошы, за дзяржаўныя грошы. Таму функцыя заключаецца і ў тым, каб усё больш адыходзіць ад дзяржаўных грошай. Таму ў клубе ўсё часцей з'яўляюцца нейкія прыватныя, камерцыйныя партнёры, рэкламныя кантракты.
[У «Дынама»] ёсць кампетэнтныя людзі, якія шукаюць гульцоў, праглядаюць. Але мы іх абмяркоўваем усе разам – гэта нармальна, – распавёў Баскаў.
