Трэнер «Брэста» Малашкевіч: «Для вас наш выступ гэта сенсацыя, а для нас – праца»
Галоўны трэнер «Брэста» Алег Малашкевіч распавёў пра выхад каманды ў паўфінальную серыю Экстралігі.
– Дзякуючы нашай камандзе яшчэ мацней павялічылася цікавасць да хакея, можа таму і дабраліся да «Шахцёра».
– Вы наогул пасля Віцебска заязджалі дадому?
– Так, вядома, нам удалося пабыць дома.
– Гэта значыць, Віцебск – Брэст – Салігорск: усю Беларусь праехалі.
– У прынцыпе, пасля дарогі ў Віцебск кіламетры для нас ужо не маюць значэння, цяпер дарога хутка праходзіць. Да Салігорска мы даляцелі, скажам так.
– Вы ўпершыню ў паўфінале плэй-оф Экстралігі, але адразу трапілі на «Шахцёр».
– Я вам скажу так: гэта плён нашай працы. Для вас гэта сенсацыя, а для нас – праца. Тое, што мы ўклалі ў каманду, яны ўклалі самі ў сябе, цяпер дае пра сябе ведаць.
– Супраць «Віцебска» вам было складана гуляць.
– Вядома, каманда «Віцебск» – добрая, тут слоў няма, але, напэўна, нам больш было трэба.
– Вы выглядаеце засяроджаным і стомленым.
– Я б не сказаў, што я стомлены, можа, больш засяроджаны. Супернік прымушае так выглядаць.
– У вас была самая доўгая серыя, і гэта, вядома, выматвае. Не тое, што заўзятарам было хвалююча і нервова глядзець, а нават журналістам.
– Мы стараемся гуляць добра, паказаць добры хакей, каб серыі хутка не заканчваліся. Па-першае, мы гуляем для людзей, ім заўсёды цікава глядзець добры хакей, а тым больш калі ён сяміматчавы, – распавёў Малашкевіч.