Протас перапыніў 16-матчавую безгалявую серыю ў НХЛ

Беларускі форвард «Вашынгтона» Аляксей Протас у матчы з «Атавай» АТ (2:3) на 38-й хвіліне закінуў шайбу ўпершыню з 26 лютага. Безгалявая серыя працягнулася 16 матчаў.

У сезоне Протас у 73 матчах набраў 29 (6+23) балаў, пры паказчыку карыснасці «-6» і 8 хвілінах штрафу. Таксама хакеіст перапыніў серыю без ачкоў, якая складала 11 матчаў.

Пасля 6-га паражэння запар, за 5 матчаў да канца рэгулярнага чэмпіянату, «Вашынгтон» займае 10-ы радок. Адставанне ад зоны плэй-оф – адзін бал.