Ілля Протас устанавіў рэкорд рэзультатыўнасці сярод беларусаў у USHL
18-гадовы брат Аляксея Протаса Ілля з «Дэ-Мойна» ў дэбютным сезоне ў наймацнейшай юніёрскай лізе ЗША набраў 51 (14+37) ачко ў 61 матчы. Гэта найлепшае бамбардзірскае дасягненне сярод беларускіх хакеістаў. Ранейшы рэкорд устанавіў год таму Арцём Ляўшуноў у шэрагах «Грын-Бэй» – 43 (13+30). Трэці вынік належыць форварду Герману Явашу – 23 (9+14) у сезоне 20221/22.
Протас-малодшы завяршыў сезон, бо яго каманда не змагла прабіцца ў плэй-оф. Акрамя таго, Ілля закінуў найбольшую колькасць шайб сярод суайчыннікаў за адзін сезон – 14.
Аляксей Ляўшуноў у 62 матчах «рэгуляркі» набраў 42 (13+29) ачкі пры 38 хвілінах штрафу і паказчыку карыснасці «-15». Беларус стаў пятым сярод бамбардзіраў-абаронцаў усёй лігі і лепшым па гэтым паказчыку сярод навічкоў турніру.
«Грын-Бэй» Ляўшунова ў заключным паядынку дома перамагла «Мэдысан» – 4:3 (1:0, 1:2, 2:1). У гэтым паядынку Ляўшуноў рэзультатыўнымі баламі не вызначыўся.
«Грын-Бэй» завяршыў сезон на 4-й пазіцыі Усходняй канферэнцыі, набраўшы 71 бал у 62 гульнях. Каманда прабілася ў плэй-оф, дзе ў 1/8 фіналу будзе змагацца з «Дабек Файтынг Сейнтсам» (першы матч адбудзецца ў ноч з 24 на 25 красавіка).
Ляўшуноў з'яўляецца адным з галоўных фаварытаў драфта NHL-2024. У ЗША перакананыя, што ён трапіць у топ-5.
За ўсю гісторыю самым высокім нумарам для беларуса на драфце НХЛ быў 9-ы. У 1996 годзе пад ім быў абраны Руслан Салей, які спадабаўся «Анахайму».
Усяго ў USHL выступалі 24 беларусы.