ПАСЕ прыняла рэзалюцыю аб нядопуску спартсменаў з Расіі і Беларусі на Алімпіяду-2024
Парламенцкая асамблея Савета Еўропы (ПАСЕ) заклікала Міжнародны алімпійскі камітэт (МАК) не дапускаць расіян і беларусаў да Алімпіяды-2024 у Парыжы.
ПАСЕ заклікала не дапускаць спартсменаў з гэтых краін да ўсіх іншых буйных спартыўных падзей, пакуль працягваецца захопніцкая вайна Расіі.
За – 71 голас, 4 – супраць.
«МАК разглядае магчымасць дазволу спартсменам з расійскім ці беларускім пашпартам удзельнічаць у спаборніцтвах у Парыжы як «нейтральныя спартсмены» і, як чакаецца, неўзабаве прыме рашэнне.
Прыняўшы рэзалюцыю, заснаваную на дакладзе Лінды Хофстад Хелеланд (Нарвегія, EPP/CD), Асамблея заявіла, што любы ўдзел у цяперашнім кантэксце «неймаверна, бясспрэчна будзе выкарыстаны як інструмент прапаганды і фактычна перашкодзіць іншым спартсменам – не ў апошнюю чаргу украінскім – удзельнічаць.
Высілкі МАК усталяваць набор крытэраў, якія дазваляюць гэтым спартсменам удзельнічаць як нейтральныя «не могуць падаць неабходныя гарантыі і не стануць адказам, годным каштоўнасцяў чалавечай годнасці і міры, замацаваных у Алімпійскай хартыі.
Аргументы для дазволу іх удзелу на падставе нейтралітэту, незалежнасці спорту і недыскрымінацыі не маюць дастатковай вагі з прычыны абавязковасці асуджэння і адмовы ад здзейсненых зверстваў, а таксама дэманстрацыі поўнай і непахіснай падтрымкі міжнароднай супольнасці Украіны, паколькі напад працягваецца», – заявілі ў ПАСЕ.
Парламентарыі звярнулі ўвагу на тое, што расійскія і беларускія элітныя спартсмены атрымлівалі дзяржаўны заробак і часта ўваходзілі ў ваенна-спартыўныя каманды.
«Здаецца немагчымым, каб яны прадэманстравалі свой нейтралітэт і аддаленасць ад гэтых рэжымаў, не кажучы ўжо пра тое, каб выступіць супраць вайны. Тыя, хто гэта зробіць, «паставяць сябе ў небяспечную сітуацыю», – дадалі парламентарыі.
