Беларусам і расіянам будзе забаронена выкарыстоўваць на Алімпіядзе-2024 сімвалы «Z» і колеры георгіеўскіх стужак

Выканаўчы камітэт Міжнароднага алімпійскага камітэта (МАК) дапусціў беларусаў і расіян да Алімпійскіх гульняў-2024 у Парыжы пад нейтральным флагам.

Як паведамляе МАК, нацыянальная сімволіка Расіі і Беларусі будзе забаронена на Алімпіядзе – гэта тычыцца гімна, сцяга і іншых атрыбутаў.

Пры гэтым уніформа для спаборніцтваў, размінкі, урачыстасцяў, медальных цырымоній, штодзённае адзенне і г.д. павінны быць цалкам белымі ці аднакаляровымі, за выключэннем выпадкаў, калі гэта немагчыма з-за правіл федэрацыі.

У форме і спартыўнай падрыхтоўцы можна выкарыстоўваць прадстаўленую МАК эмблему нейтральнага атлета і/ці абрэвіятуру AIN.

Уніформа, адзенне, абсталяванне (спартыўнае, медыцынскае, бінты, стужкі і да т.п.), аксэсуары (ювелірныя вырабы, гумкі для валасоў, налепкі, нашыўкі і да т.п.), афарбоўванне валасоў, ювелірныя вырабы, пакрыццё пазногцяў і асабістыя рэчы спартсменаў не павінны змяшчаць:

- спасылкі на Расійскую Федэрацыю, Рэспубліку Беларусь або іх нацыянальныя камітэты або НАК, любую нацыянальную ідэнтыфікацыю Расіі або Беларусі (сцяг, герб або любы іншы нацыянальны сімвал або эмблема – афіцыйны або неафіцыйны);

- любую падтрымку вайны ва Украіне (уключаючы сімвал «Z», колеры георгіеўскіх стужак і любыя іншыя вайсковыя брэнды ці лозунгі);

- камерцыйныя ці некамерцыйныя эмблемы рускіх ці беларускіх арганізацый;

- выслоўі (паведамленні, графічныя элементы, сімвалы і да т.п.) з прамым або апасродкаваным палітычным зместам.

Алімпіяда-2024 пройдзе з 26 ліпеня па 11 жніўня.