Трэнер МФК «Мінск» Чэрнік: «Юнацкая каманда на матчы ездзіла на аўтамабілях трэнераў, за свой кошт арандавала пляцоўку»

Трэнер МФК «Мінск» Аляксандр Чэрнік расказаў пра умовы для юнацкай каманды.

– У пачатку сезона вы наракалі, што ў юнацкай камандзе няма каго браць нават на перспектыву. За год сітуацыя змянілася?

– Паглядзім праўдзе ў вочы. У гэтым сезоне юнацкай каманды ў правільным разуменні ў нас не было ад слова «наогул».

Пад яе не выдзелена ніякіх сродкаў. На матчы ездзілі на асабістых аўтамабілях трэнерскага штаба, адну гадзіну ў тыдзень за свой кошт арандавалі пляцоўку ў МАПІД. Думаю, я спаўна адказаў на пытанне, ці можна разлічваць на гульцоў з гэтай каманды ў вышэйшай лізе. Усё ж «Мінск» ужо вырас з аматарскіх штанцоў, – распавёў Чэрнік.