«Мы не бачым ад гэтага ніякай карысці для футзала». Сумесная заява ўдзельнікаў Фіналу 4-х ЛЧ аб рашэннi УЕФА правесці яго ў Ерэване
Клубы ўдзельнікі Фіналу 4-х футзальнай Лігі Чэмпіёнаў 2023/24 выказалі незадаволенасць рашэннем УЕФА правесці завяршальны этап турніру ў сталіцы Арменіі Ерэване.
Іспанскія «Барселона» і «Пальма Футзал» і партугальскія «Спортынг» і «Бенфікі» апублікавалі сумесную заяву па гэтым рашэнні. Адрасам звароту з'яўляецца менеджэр УЕФА, адказны за правядзенне турніраў па футзале Ларан Марэль.
«Паважаны Ларан! Пасля рашэння Выканкама УЕФА прызначыць Федэрацыю футбола Арменіі гаспадаром Фінала 4-х Лігі чэмпіёнаў па футзале 2023/24 у Ерэване мы хацелі б выказаць наша абурэнне наконт гэтага рашэння і падзяліцца сваёй занепакоенасцю.
Рашэнне адправіць клубы-фіналісты за 5 тысяч кіламетраў, каб згуляць у Фінале 4-х ЛЧ, вяршыні спаборніцтваў, не дазволіць гэтым клубам прапанаваць сваім заўзятарам рэальную магчымасць запоўніць трыбуны на найважнейшым клубным турніры па футзале. Найбуйнейшы футзальны клубны турнір у свеце церпіць шкоду, гэтак жа, як і ў цэлым від спорту, над якім мы ўпарта працуем разам год за годам.
Мы лічым, што футзала мела б больш шанцаў атрымаць добрыя камерцыйныя пагадненні, развівацца і захаваць сябе як захапляльны від спорту ў Еўропе, калі б матчы праводзіліся паблізу тых краін, чые прадстаўнікі будуць гуляць у Фінале 4-х.
Пры ўсёй павазе, мы не бачым ніякай карысці для футзалы ад правядзення гэтай падзеі так далёка ад нашых краін і заўзятараў. Усе мы хацелі б, каб нашы заўзятары маглі прысутнічаць на нашых гульнях і заўзець за каманды. Гэта будзе немагчыма на мерапрыемстве, якое пройдзе за 5 тысяч кіламетраў ад нас. Заўзятарам давядзецца выдаткаваць занадта шмат часу і грошай, каб здзейсніць такое далёкае падарожжа дзеля падтрымкі сваіх каманд.
Ведаючы, як важна мець адкрытыя і празрыстыя зносіны паміж клубамі і УЕФА, мы спадзяемся на канструктыўны разгляд нашага пункта гледжання. Мы лічым, што меркаванне клубаў павінна быць улічана пры прыняцці рашэнняў, звязаных з імі», – гаворыцца ў заяве.
Матчы Фінала чатырох пройдуць 3 і 5 траўня.
