Юрый Поклад: «Беларускія футзальныя школы не маюць сістэмы. Рабяты не разумеюць, у што гуляць, і сыходзяць»
Беларускі спецыяліст Юрый Пoклад падзяліўся меркаваннем аб пераходзе з вялікага футбола ў міні.
– Ці можна чакаць, што футзальныя школы ў бліжэйшай будучыні пачнуць рыхтаваць маладых гульцоў для каманд вышэйшай лігі?
– Я не чакаў бы. Каб міні-футбол даваў добрых маладых рабят, трэба выбудаваць сістэму падрыхтоўкі. Акадэміі, якія ў нас ёсць, даюць пэўны мінімум. Але не маюць сістэмы, якая б з году ў год прыводзіла да назапашвання ўменняў і навыкаў. І, галоўнае, іх шліфоўцы. А каб шліфоўка была, патрэбны рэгулярныя спаборніцтвы.
– З якога ўзросту ў ідэале іх праводзіць?
– Маё бачанне – з 14-15 гадоў. У гэтым перыядзе павінны быць сістэматычныя спаборніцтвы. Тое самае і на дзіцячым узроўні. У падлеткаў павінна быць разуменне пераходу з вялікага футбола ў міні. Каб усведамляючы, што ў футболе ў яго па розных прычынах не атрымаецца рэалізавацца, ён ведаў: ёсць міні-футбол, з якім ён знаёмы праз спаборніцтвы і трэніроўкі. Каб разумеў, што гэта від спорту, які цікавы і можа гарманічна ўпісацца ў вучобу з вячэрнімі трэніроўкамі і рэгулярнымі спаборніцтвамі. Так падыход даў бы больш ігракоў нядрэннага ўзроўню.
У выніку хтосьці сыходзіць у Д3 ці ўвогуле заканчвае з футболам. А ўсё таму, што ў патрэбны час не атрымалі належнай міні-футбольнай адукацыі. Рабяты прыходзяць у залу, не разумеючы, у што гуляць, махаюць рукой і сыходзяць. Таму трэба ствараць трамплін для пераходу спартсменаў з вялікага футбола ў футзал, – лічыць Поклад.
