Артур Удрыс: «Сабаленка недагаворвае. Відаць, нешта адбылося паміж ёй і Лукашэнкам у мінулым»

– У мяне складваецца ўражанне, што Сабаленка ўсімі сіламі спрабуе ўседзець на двух крэслах. Па-першае, не разумею, што значыць не падтрымліваць Лукашэнку «прама цяпер»? Нібы ён ёй не падабаецца толькі ў пэўны час сутак. Па-другое, тэнісістцы відавочна нязручныя пытанні пра вайну і палітыку. На прамыя пытанні ўкраінскай журналісткі Арына адказвала: «Без каментароў».

З аднаго боку, грамадскасць цісне на беларускую, яна не можа сказаць, што падтрымлівае тое, што адбываецца. З другога, відавочна, яна недагаворвае. Відаць, нешта адбылося паміж ёй і Лукашэнкам у мінулым. Чуў версію, што палітык дапамог ёй у свой час уладзіць пытанні з агентам. Дакладна мы не ведаем. Як бы там ні было, Сабаленка не жыве ў Беларусі і знаходзіцца ў бяспецы. Аднак на словах аддае перавагу не аддаляцца ад Лукашэнкі.

Арына пакуль сказала тое, што ад яе хацелі пачуць, і зноў пакінула сабе прастору для манеўру. Яна, зноў жа, не асудзіла вайну, саўдзел у ёй Беларусі. Сабаленка мне здаецца вельмі шчырай, калі кажа, што не хоча адказваць на пытанні аб палітыцы. Калі б быў джын, якому яна магла загадаць адно жаданне, то, упэўнены, папрасіла б менавіта гэта – каб не пыталіся пра Лукашэнку і падзеі ва Украіне, – сказаў Удрыс.