Джокавіч стане першай ракеткай свету пасля перамогі над Мюлерам на US Open

Другая ракетка свету Новак Джокавіч перамог француза Аляксандра Мюлера (№84 ATP) – 6:0, 6:2, 6:3 у першым крузе US Open.

«Першы сэт я пачаў вельмі добра. Мы пачалі даволі позна. Відавочна, была цырымонія паміж матчамі, і я ведаў, што мы можам пачаць позна, але, тым не менш, я быў рады выйсці на корт.

Прайшло некалькі гадоў (з апошняга US Open для Новака – заўв.), і зноў выступаць тут перад вамі заўсёды гонар і задавальненне.

Думаю, я мог бы падаваць лепш у другім і трэцім сэтах. Узровень маёй падачы ўпаў, таму прыйшлося крыху больш папрацаваць, каб дабіць ачкі.

Тым не менш я лічу, што згуляў выдатна ад пачатку да канца. Былі некаторыя недахопы, але мне спадабаўся мой узровень, і, спадзяюся, я змагу захаваць яго і ў наступным раўндзе», – сказаў Джокавіч.

Пасля гэтай перамогі Новак гарантаваў сабе вяртанне на першае месца рэйтынгу ATP, якое на дадзены момант займае Карлас Алькарас. Рэйтынг павінны абнавіць пасля завяршэння US Open 11 верасня.

Сапернікам Джокавіча ў другім крузе стане іспанец Бернабе Сапата Міралес.