Жаночыя зборныя Сербіі і Турцыі па валейболе заваявалі пуцёўкі на АГ-2024
У Японіі, Кітаі і Польшчы працягваюцца матчы кваліфікацыйнага турніру, па выніках якога вызначацца 6 каманд, якія атрымаюць права згуляць на жаночым валейбольным турніры ў рамках Алімпіяды-2024.
Першымі дзвюма зборнымі, якія па выніках адбору забяспечылі сабе ўдзел у Гульнях у Парыжы, сталі Сербія і Турцыя.
Сербія за тур да канца з 15 ачкамі лідзіруе ў групе А. Другую пуцёўку разыграюць у вочнай сустрэчы Дамініканская Рэспубліка і Нідэрланды. «Аранжавых» задаволіць перамога 3:0 або 3:1.
Турнірная табліца групы «А»
1. Сербія – 15 ачкоў, 2. Дамініканская Рэспубліка – 15, 3. Нідэрланды – 12, 4. Канада – 11, 5. Кітай – 11, 6. Чэхія – 5, 7. Украіна – 3, 8 – Мексіка – 0.
У групе «В» Турцыя, якая выйграла ўсе 6 матчаў, недасяжная для супернікаў. Другім удзельнікам Алімпіяды па гэтым пуле стане пераможца матчу апошняга тура Японія – Бразілія.
Турнірная табліца групы «В»
1. Турцыя – 18 ачкоў, 2. Японія – 15, 3. Бразілія – 14, 4. Пуэрта-Рыка – 8, 5. Бельгія – 6, 6. Аргенціна – 6, 7. Балгарыя – 5, Перу – 0.
У групе С шанцы захоўваюць зборныя Польшчы, ЗША, Італіі і Германіі.
Турніру табліца групы «С»
1. Польшча – 15 ачкоў, 2. ЗША – 15, 3. Італія – 12 (5 матчаў), 4. Германія – 11 (5), 5. Тайланд – 8, 6. Славенія – 3, 7. Калумбія – 3, 8. Паўднёвая Карэя – 2.
