Ад Беларусі на міжнародныя турніры па самба ганяюць «сілавікі» – лукашэнкаўскія медыі нават гэтага не хаваюць
Рэкамендацыі МАК не маюць ніякага значэння.
Міжнародная федэрацыя самба (FIAS) – адна з нямногіх міжнародных спартыўных федэрацый, якая пасля пачатку поўнамасшатабнага расійскага ўварвання ва Украіну пры спрыянні лукашэнкаўскага рэжыму насуперак рэкамендацыям МАК увогуле не адхіляла ад міжнародных спаборніцтваў ні расійскіх, ні беларускіх атлетаў. Максімумам санкцый стала скасаванне спаборніцтваў пад эгідай арганізацыі на тэрыторыі РФ і Беларусі.
Такія паводзіны ні разу не здзіўляюць . Офіс Міжнароднай федэрацыі самба месціцца ў Маскве, а генеральным спонсарам арганізацыі ад 2013 года з'яўляецца «Раснафта», якой кіруе Ігар Сечын – адзін з самых набліжаных да прызідэнта РФ Уладзіміра Пуціна бізнесменаў.
Узначальвае FIAS з 2009 года Васіль Шастакоў – блізкі сябар Пуціна, з якім яны разам займаліся дзюдо ў юнацтве. У красавіку мінулага года расійскі палітык узнагародзіў Шастакова ордэнам «За заслугі перад Айчынай» IV ступені. У выканаўчы камітэт FIAS таксама ўваходзіць трохразовы чэмпіён свету па самба і экс-саўладальнік мінскага «Дынама» Уладзімір Япрнінцаў.
Пуцін і Шастакоў
Нічога дзіўнага няма і ў тым, што на міжнародныя спаборніцтвы па гэтым відзе спорту ад Беларусі ездзяць «сілавікі». Хаця ў адпаведнасці з рэкамендацыямі МАК ад 28 сакавіка 2023-га на такія турніры не рэкамендавана дапускаць спартсменаў з дзейнымі кантрактамі з сілавымі ведамствамі лукашэнкаўскага рэжыму. А яшчэ ў часопісе лукашэнкаўскага «алімпійскага камітэта» адкрыта падкрэсліваецца асноўнае месца працы некаторых беларускіх самбістаў.
Напрыклад, у мінулым годзе Даніэла Ждан заваявала залатыя медалі на ЧС у Арменіі і другіх Гульнях краін СНД і срэбра на ЧЕ ў Ізраілі. Расказваючы пра дасягненні спартсменкі, аўтары часопіса не забыліся згадаць, што яна зʼяўляецца супрацоўніцай «аднаго з упраўленняў дэпартамента аховы» так званага міністэрства ўнутраных спраў:
А фіксуючы поспехі падпісанткі за рэжым Анжэлы Жылінскай (выйграла золата на ЧЕ ў Ізраілі і срэбра на ЧС у Арменіі), аўтары ўказалі нават званне і дакладнае месца службы – «прапаршчык батальёна міліцыі Цэнтральнага аддзела Дэпартамента аховы МУС»:
Зрэшты, беларускія самбісты – не адзіныя, каму ўдаецца ездзіць на міжнародныя спаборніцтвы, маючы дзейныя кантракты з сілавымі структурамі рэжыму. Барцам гэта таксама ніяк не замінае:
Іншыя пасты карыстальніка
