Лепшыя футбалісты лепшага горада: Ігар Талькоўскі
Наведвальнасць стадыёна б’е рэкорды, а хто тыя людзі, што дораць нам спартыўнае свята, мы не ведаем. “Рэгіянальная газета” вырашыла выправіць гэту недарэчнасць. Першы герой рубрыкі – нападаючы каманды Ігар Талькоўскі.
Ігару 24 гады. Па выніках сезона 2016 года ён стаў лепшым бамбардзірам года.
А пачынаў Ігар свой шлях да футбола, як і шмат іншых хлопчыкаў.
Бацька Ігара быў футбалістам, і ад самага ранняга дзяцінства менавіта тата стаў вучыць Ігара азам футбола.
– Канешне, былі і маміны спробы адправіць мяне ў музычную, мастацкую школы, на танцы і гэтак далей. Але я ўпарта вяртаўся да футбола.
Першы забіты гол Ігара быў таксама недзе ў дварах 12 школы, дзе яго трэніраваў першы трэнер і сябар бацькі Андрэй Радкевіч.
– Футбольныя матчы былі ў нас, хлапчукоў, кожны дзень да таго моманту, пакуль не збегаеш дамоў “вынесці папіць”, і цябе ўжо не выпускалі.
А потым была дзіцячая спартыўная школа, першыя перамогі і паразы.
Ігар Талькоўскі – выпускнік шостай гімназіі, затым скончыў гандлёва-эканамічны каледж, адслужыў у войску.
Сёння ўвесь час Ігара, калі ён не падманвае, займае футбол.
Прычым не толькі як гульца.
– Я люблю і глядзець футбол, стараюся не прапускаць гульні маёй любімай каманды і топавыя матчы з пяці чэмпіянатаў Еўропы. Я заўзятар “Чырвоных Д’яблаў”. Гэта знакаміты клуб з Манчэстэра. Сачу за яго поспехамі ўжо шмат гадоў.
Сваю сённяшнюю каманду Ігар называе “вясёлкавай”.
– Усе хлопцы добрыя і вясёлыя, і атмасфера на трэніроўках у нас вясёлкавая.
А ў прыкметы, наконт таго, што трэба або не трэба рабіць перад адказнымі гульнямі, Ігар не верыць.
– Каля я ўжо не веру ў чорнага ката, то няма сэнсу замарочвацца і наконт іншых прыкметаў.
Не сакрэт, што камандзе “Маладзечна- ДЮСШ-4” сёлета прадракаюць выхад у першую лігу.
А Ігар Талькоўскі ставіцца да гэтага па-філасофску.
– Трэба спачатку паказаць 100% вынік. Усё ў нашых нагах.
Спрачаемся, што вы не ведалі:
– У Ігара ёсць малодшая сястра, якой цяпер 13 гадоў.
– Нумар 7 у Ігара на футболцы з’явіўся зусім нядаўна. І гэта лічба для яго нічога не значыць. А ўсё дзяцінства Ігар адгуляў пад нумарам 11.
– Лепш за ўсё і Ігара атрымоўваецца кіраваць машынай
– У Ігара ёсць мянушка. У камандзе яго называюць Толік ці Тэл.
Падзяка за матэрыял Наталлі Тур
