Паглядзіце, якую прыгажосць паклалі ў браму «Партызані», што супернічалі з БАТЭ ў кваліфікацыі ЛЧ

Адзіны поспех ў еўракубкавай кваліфікацыі бягучага сезона БАТЭ атрымаў над албанскім «Партызані» – пасля нічыі ў першым матчы перамога ў другім (2:0) забяспечыла барысаўчанам мінімум плэй-оф адбору Лігі канферынцый, як след, нядрэнныя шансы на доўгачаканую групу. Але чым усё скончылася мы памятаем.

Разбіраем усе галы ў вароты БАТЭ ў матчы з «Балкані»: хто недапрацаваў, хто прывёз і што можна сказаць пра Хадаркевіча з Банэ

Тым часам «Партызані» ціхім ходам таксама дабраліся да вырашальнага раўнда кваліфікацыі ЛК, дзе мінімальна саступіў грознаму еўракубкаваму байцу «Астане» (0:1, 1:1) з беларусам Максам Эбонгам у складзе. Не пашанцавала, бывае, можна вяртацца ў родны чэмпіянат. Але і там не ўсё пайшло гладка – пасля перамогі ў першым туры тамтэйшай вышэйшай лігі на рахунку каманды з Тыраны дзве нічыі запара. Апошняя з іх адбылася ўчора, 18 верасня.

«Партызані» праводзілі хатні матч супраць «Эгнатыі» і на сёмай хвіліне павялі ў ліку. Але менш чым праз 15 хвілін госці адыграліся, і зрабілі гэта дзякуючы неверагоднаму голу Фернанда Медэйраша:

ВІДЭА (беражыце свае вушы, громкі гук дрэннай якасці)

Больш у матчы не забівалі – 1:1. Такую прыгажосць можна і на прэмію Ферэнца Пушкаша намінаваць!

Пасля трох тураў вышэйшай лігі Албаніі «Партызані» ідуць у сярэдзіне табліцы – 5 радок з 5-ю баламі. Няважны старт суперніка барысаўчан у чэмпіянаце.