Гомза пра пенальці ў дагаварным матчы з «Шахцёрам»: «Хацеў заблакаваць удар Падстрэлава, але мяне сітуатыўна панесла наперад»
Экс-гулец «Белшыны» Дзмітрый Гомза расказаў пра эпізод з пенальці ў матчы 30-га тура чэмпіянату Беларусі сезона 2022 супраць «Шахцёра» (1:4).
Паказанні футбаліста прыводзіць дзяржСМІ.
– Што тычыцца ходу матчу «Шахцёр» – «Белшына». Вы сказалі, што зарабілі пенальці. Збілі гульца ў сваёй штрафной?
– Так.
– Раскажыце, што там за сітуацыя была?
– Нашы абаронцы былі ў цэнтры поля, справа, па-мойму, калі ад нашых варот глядзець. Ну, там абстукалі абаронцу, і чалавек ужо бег да брамы. Ну, не думаў нават, што яго даганю. Там чалавек і маладзейшы, і хутчэйшы. Як памятаю, гэта быў Падстрэлаў. Здалося, што ён выходзіць сам-насам. Але не звярнуў увагу, што ў нас яшчэ там два чалавекі было (на падстрахоўцы, – Tribuna.com). Гэта значыць, пасля падкату падняў галаву і ўбачыў, што ў нашай штрафной двое стаяць.
– Два абаронцы яшчэ былі?
– Так, гэта значыць хацеў, скажам так, заблакаваць удар. Але атрымалася, што прастрэліў, а надвор'е слізкае было, і сітуатыўна мяне пранесла наперад. Патрапіў, ну, мусіць, у апорную нагу, – сказаў Гомза.
Нагадаем, што 11 траўня стала вядома, што 36-гадовы форвард быў аб'яўлены АБФФ персонай нон-грата і павінен выплаціць штраф у памеры 37 тысяч беларускіх рублёў (больш за 13 тысяч долараў). Пасля гэтага Гомза пакінуў «Паперпрам».
Нагадаем, КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
