Намеснiца старшыні БФП Капачэня: «Трэба пераступіць праз усе бар'еры, каб беларусы паехалі на АГ»

Намесніца старшыні беларускай федэрацыі плавання Ганна Капачэня падзялілася меркаваннем па магчымае выступленне беларускіх спартсменаў на Алімпіядзе-2024.

Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.

28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.

– Магу ацаніць з двух пазіцый. Па-першае, сама немалы шлях прайшла ў спорце. З 16 да 28 я была ў нацыянальнай камандзе. Выступала на многіх міжнародных форумах, аднак з розных прычын ні разу не выступіла на Алімпійскіх гульнях.

Для спартоўца – гэта галоўнае. Кожны імкнецца выступіць на Алімпіядзе. Хаця камусьці ўжо і медалёў будзе мала. Таму пры найменшай магчымасці, калі яна будзе, спартсмены пастараюцца туды патрапіць.

Для нас, як для кіраўнікоў, будзе найважнейшым дапамагчы ім у гэтым. Пераступіць праз усе бар'еры, знайсці кампраміс і зрабіць так, каб нашыя хлопцы туды паехалі. Яны павінны паказаць і даказаць усім, наколькі гатовы змагацца, нягледзячы на ўсе цяжкасці. А мы сваіх спартсменаў у любым выпадку даведаемся, – цытуе Капачэню sport5 са спасылкай на «Спортивный интерес».