Аляксей Пынцікаў: «3-0 у серыі адлюстроўваюць перавагі «Мінска» над «Гарызонтам», але не было сорамна за тое, як каманда змагалася»

Трэнер «Гарызонта» Аляксей Пынцікаў паразважаў пра вынікі фінальнай серыі чэмпіянату Беларусі сярод жанчын супраць «Мінска». Лік у серыі – 0-3, «Мінск» стаў чэмпіёнам.

«Відаць, гэтыя 3-0 на дадзены момант адлюстроўваюць перавагі «Мінска» над намі. Але іншая справа, што ў адрозненне ад першых дзвюх гульняў, у апошнім матчы ўдалося практычна ўсё аддаць, каб дастаць суперніка. Зрабіць гэта не атрымалася, але нам не было сорамна за тое, як каманда змагалася.

На працягу некалькіх гадоў золата было ў «Гарызонта», і менавіта гэтыя прозвішчы рабілі вынік. Але ідзе час, падрастаюць іншыя гульцы, плюс у «Мінску» вельмі якасная задняя лінія – пара легіянераў-абаронцаў, якія робяць розніцу. У нас моцная пярэдняя лінія за кошт моцнага ветэранскага складу, але так атрымалася, што задняя ліная суперніка абыграла нашу пярэднюю», – сказаў Пынцікаў.