Алег Рыжанкоў: «Расія – супербіятлонная дзяржава. Але я – беларускі біятланіст і трэнер»
Старшы трэнер жаночай зборнай Беларусі па біятлоне Алег Рыжанкоў заявіў, што лічыць сябе беларусам.
Спецыяліст нарадзіўся ў Карэліі. Аднак біятлонам пачынаў займацца ў магілёўскай вобласці.
– Многія сайты ў інтэрнэце і газетныя карэспандэнты блытаюць маю нацыянальнасць. Я беларус па нацыянальнасці! І пачынаў займацца спортам у Беларусі.
Так, я нарадзіўся ў Карэліі. Але не больш за тое. Мой бацька беларус, і пераехаў я ў Беларусь, калі мне было 10 гадоў і пра спорт я яшчэ не ведаў, і не чуў. Жыў сабе спакойна ў вёсцы Верамейкі, магілёўскай вобласці.
Я выхаванец менавіта беларускай школы. А то не зусім правільная інфармацыя ідзе ў сродках масавай інфармацыі, і не першы раз.
Расія – супер біятлонная дзяржава. Але я - беларускі біятланіст і трэнер, – сказаў Рыжанкоў.
⚽️ Чэмпіянат свету-2022 па-беларуску і без VPN! Пампуй дадатак Tribuna.com