Себасцьян Самуэльсан: «Калі вайна будзе працягвацца 10-15 гадоў, давядзецца думаць, як мы можам падрыхтавацца да магчымага вяртання расіян і беларусаў»
Шведскі біятланіст Себасцьян Самуэльсан падзяліўся думкамі аб адхіленні расіян і беларусаў.
Нагадаем, што IBU адхіліла прадстаўнікоў Беларусі ад спаборніцтваў пад сваёй эгідай у адказ на вайну, якая з 24 лютага працягваецца Расіяй ва Украіне з выкарыстаннем тэрыторыі Беларусі.
«Быў вельмі здзіўлены словамі Пернілы Віберг (заявіла, што не падтрымлівае адхілення расіян і беларусаў – заўв.). Калі амаль год таму пачалася вайна, не думаў, што аўтаматычнае выключэнне Расіі і Беларусі будзе відавочным рашэннем. Але калі вы бачыце, як расійскія актывісты выкарыстоўвалі мікст-зону і СМІ, каб прасоўваць якую-небудзь расійскую прапаганду, тады гэта становіцца непрымальным.
У той жа час ёсць украінская каманда, якая ледзь трэніруецца, бо на радзіме ідзе вайна. І што ім потым прыйшлося б сапернічаць з расіянамі, думаю, гэта было б вельмі дзіўна.
Як зараз складваецца сітуацыя, мне відавочна, што расіян і беларусаў не варта вяртаць. Але мы не ведаем, колькі працягнецца гэтая вайна. Калі яна працягнецца 10-15 гадоў, то рана ці позна мы мусім думаць пра тое, як мы можам падрыхтавацца да магчымага вяртання расіян і беларусаў у будучыні.
Але думаю, зараз весці гэтую дыскусію яшчэ рана. Мы бачым жорсткія санкцыі ў іншых абласцях. Само сабой зразумела, што спорт таксама павінен узяць на сябе адказнасць.
Адчуваю, што сярод біятланістаў вельмі шырокая падтрымка таго, што Расіі пакуль не трэба вяртацца. Мы абмяркоўвалі гэта ў камітэце актывістаў. Няма падтрымкі ідэі іх вяртання.
Бачу, Томас Бах і МАК пачынаюць быць адкрытымі для абмеркавання вяртання расіян. Думаю, гэта вельмі дзіўна, але ўсё ж не так дзіўна. Ім не ўдалося адхіліць Расію пасля Алімпіяды ў Сочы і праблем з допінгам, якія тады былі. Гэта падобна на фальш, калі яны робяць жорсткае стаўленне да Расіі, а затым прымаюць рашэнні, якія не з'яўляюцца суровымі», – сказаў Самуэльсан.
