Надзея Скардзіна: «Цяпер трэнірую дзяцей у двух клубах. Але ў Швейцарыі лічыцца, што маці павінны надаваць максімум увагі маленькім дзецям, а зарабляць павінен мужчына».

Экс-біятланістка зборнай Беларусі Надзея Скардзіна расказала аб тым, чым зараз займаецца акрамя выхавання дзіцяці. Нагадаем, што зараз алімпійская чэмпіёнка разам са сваім мужам і таксама экс-біятланістам Марцінам Егерам жыве ў Швейцарыі.

– Чым цяпер займаецеся, акрамя выхавання дзіцяці?

– Трэнірую дзяцей: у адным клубе займаюся з імі біятлонам, у іншым – лыжамі. Гэта праца ў вольны час і ў задавальненне. Тым больш я бачу, што ў мяне атрымліваецца, дзеці і бацькі таксама задаволены.

Але Швейцарыя – такая краіна, дзе вельмі трапятліва ставяцца да мам. Лічыцца, што яны павінны надаваць максімум увагі малым дзецям. Ва ўсякім разе, хаця б да чатырох гадоў, калі дзіця можна аддаваць у дзіцячы садок. А зарабляць павінен мужчына.

– Муж Марцін Егер, які завяршыў кар'еру біятланіста, так разумеем, вярнуўся ў мытную службу?

– Менавіта.

– А пры сваіх заслугах мог бы пайсці ў дэпутаты, як яго расійскія калегі. У Швейцарыі ж ёсць нейкія заканадаўчыя органы?

– Ёсць, вядома. Але Марцін, наколькі ведаю, туды не рвецца :) Біятлон застаецца яго каханнем. На хатнім чэмпіянаце Еўропы ён працаваў у спаборніцкім офісе, і яму вельмі спадабалася. Калі ў нас будзе праходзіць этап Кубка свету, ён возьме водпуск на асноўнай рабоце і паўторыць гэты вопыт, – расказала Скардзіна.