Легенда НБА спаборнічае з экс-жонкай па ўсёдазволенасці: яна сустракаецца з сынам Джордана (маладзейшым на 16 гадоў), ён – катаецца з дзяўчынай, якая паказвае грудзі ў вокны

Проста цяпер за акіянам адбываецца сапраўдная драма паміж легендамі НБА Скоці Піпенам і Майклам Джорданам. Дуэт зорных баскетбалістаў з 90-х добра памятаюць аматары баскетбола, бо разам Піпен і Джордан шэсць разоў станавіліся чэмпіёнамі лігі ў складзе «Чыкага Булз». Але і пасля кар'еры іх лёсы цесна пераплеценыя: Маркус Джордан (другі сын Джордана-старэйшага) сустракаецца з былой жонкай Скоці – Ларсай. Апошнім часам сітуацыя падарыла шмат інфанагод для СМІ.

Скоці і Ларса ажаніліся ў 1998 годзе. Яна – тэлевядучая і бізнес-ледзі, якая набыла вядомасць праз удзел у рэаліці-шоу «Сапраўдныя гаспадыні Маямі» (здымаецца там дагэтуль), ён – легенда «Булз», пераможца дзвюх Алімпіяд, член Залы Славы НБА. Пара мае чатырох дзяцей – Скоці-малодшы (2001 г.н.), Прэстан (2002), Джастін (2007) і Сафія (2008).

Сям'ёй Скоці і Ларса былі да 2018 года, калі вырашылі развесціся. Скоці і раней падаваў на развод (у 2016-м), але тады памірыліся. І ўсё ж такі ўратаваць шлюб не атрымалася – яго скасаванне было завершана ў 2021-м годзе, а былыя муж і жонка заявілі, што «ўсе пытанні былі вырашаны палюбоўна і яны працягваюць факусавацца на сумесным выхаванні іх непаўналетніх дзяцей».

Але разысціся «палюбоўна», як выяўляецца, не атрымалася. Яшчэ ўвосені 2022-га ў СМІ з'явіліся фатаграфіі Ларсы з малодшым сынам Майкла Джордана Маркусам на пляжы ў Маямі – тады ўпершыню стала вядома пра незвычайны раман (Маркусу 32 гады, Ларсе – 48).

СМІ паведамлялі і пра непрыемныя здарэнні. Калі новаспечаная пара была на спатканні на адным з матчаў НФЛ, да іх падышоў мужчына, які выкрыкнуў: «Гэй, Ларса, ты чаго робіш? Ты з хлапчуком, з сынам Майка? Ну а ты, чортаў вырадак? Ты сапраўдны чортаў вырадак, прыяцель!».

Ларса ў сацсетках паспрабавала адказаць на абурэнне грамадскасці – заявіла, што раней не ведала Маркуса (то бок калі ён быў дзіцём), ды і ўвогуле абвергла сяброўства паміж Скоці і Майклам:

– Маркуса ўпершыню сустрэла тры гады таму, не ведала да гэтага ні яго, ні ягоную сям'ю. Мне быў 21 год, і я вучылася ва ўніверсітэце, калі Скоці правёў яшчэ адзін сезон з Эм Джэем. Мы са Скоці не мелі зносін з сям'ёй Джордана, не былі сябрамі, як усё думаюць.

Але, як кажуць, не ўсё так адназначна. Пазней у інтэрв'ю на пытанне, ці атрымалі Ларса і Маркус «дабраславенне» бацькоў хлопца, тая адказала «так». Але вось сам Майкл Джордан некалькі дзён таму заявіў, што не ўхваляе адносіны паміж яго сынам і былой жонкай сябра па камандзе:

Што тычыцца таго, як уся гэта сітуацыя можа ўплываць на адносіны паміж яе былым і бацькам Маркуса, якія разам выйгралі шэсць чэмпіянатаў НБА, Ларса настойвае, што яна «не планавала гэта такім чынам», але таксама «не думае пра тое, што Скоці можа адчуваць у сувязі з гэтым».

А сам Скоці, здаецца, таксама не сумуе! 8 ліпеня выданне TMZ апублікавала фота 57-гадовага Піпена з новай дзяўчынай, якая дакладна ўразіла папарацы. Дзяўчына паказвала фатографам грудзі проста з акна машыны, Скоці ў той час сядзеў за стырном і паказваў журналістам знак міру.

Дарэчы, фота Піпена былі апублікаваныя пасля вось такога відэа з Маркусам і Ларсай:

Зносіны паміж Джорданамі і Піпенамі паступова напальваюцца.