Брамнік БАТЭ ўвайшоў у спіс самых шматспадзеўных гульцоў свету да 21 года па версіі CIES Football Observatory.
Найлепшы!
Брамнік БАТЭ Андрэй Кудравец і паўабаронца мінскага «Дынама» Андрэй Рылач ўвайшлі ў спіс самых шматспадзеўных гульцоў свету да 21 года па версіі CIES Football Observatory.
Кудравец стаў 5-м у спісе самых перспектыўных брамнікаў свету да 21 года. Яго паказчык "назапашанага вопыту" складае 17.4. Усяго ў вышэйшай лізе Кудравец згуляў 2970 хвілін. Самым перспектыўным маладым галкіперам прызналі Мартэна Вандерворта з "Генка".
Рылач жа стаў 6-м сярод атакуючых паўабаронцаў з паказчыкам "назапашанага вопыту" ў 11.7. У мінулым сезоне паўабаронца выступаў за "Энергетык-БДУ" і згуляў 2420 хвіліны ў чэмпіянаце Беларусі.
Пры гэтым у Рылача і Есіта Марцінеза з балівійскага «Індэпенд'ентэ» самы нізкі кошт з усяго топ-10 – 800 тысяч еўра. Самым перспектыўным прызнаны Кэнэт Тэйлар з «Аякса».
