Эміліо Бутрагенья: «Ліверпуль» – гэта каманда-чэмпіён, але «Рэал» збіраецца абараніць тытул ЛЧ»

Дырэктар «Рэала» Эміліо Бутрагенья падзяліўся ўражаннямі ад лёсавання плэй-оф Лігі чэмпіёнаў.

«У 1/8 адбудзецца рэванш папярэдняга фіналу Лігі чэмпіёнаў. Сустрэнюцца два клубы з вялікай гісторыяй. Думаю, падчас матчаў будзе электрызаваная атмасфера, гэта цудоўна для фанатаў. Мы правядзем гэтыя сустрэчы з энтузіязмам. Мы збіраемся абараніць тытул уладальніка Лігі чэмпіёнаў.

«Ліверпуль» – гэта каманда-чэмпіён. Яны граюць на «Энфілдзе», які гоніць іх наперад. Гэта вельмі складаны супернік, але мы – «Рэал», і ўсе ведаюць, што значыць для нас Ліга чэмпіёнаў. Другі матч адбудзецца на «Сант'яга Бернабеу», дзе нас падтрымаюць фанаты.

Чэмпіянат свету ў Катары паўплывае на ўвесь сезон. Паглядзім, у якім стане гульцы вернуцца са зборных», – сказаў Бутрагенья.