Першы трэнер Шасцюка Грыб: «Мне паўтаралі, што нічога з яго не выйдзе, маўляў, складаны характар»
Першы трэнер Аляксандра Шасцюка Сяргей Грыб расказаў пра цяжкі характар футбаліста, з-за якога да яго не маглі знайсці падыход трэнеры і партнёры па камандзе.
«Разумееце, Саша – чалавек няпросты, скажу так. Калі ён гуляў у дублі [брэсцкага] «Дынама», у мяне нават трэнеры цікавіліся, як з Шасцюком працаваць, як да яго знайсці падыход. Мне паўтаралі, што нічога з Шасцюка не выйдзе, маўляў, у яго складаны характар, а я ўвесь час сцвярджаў, што галоўнае – гэта зразумець хлопца, знайсці кропкі судотыку з ім – тады ўсё атрымаецца. Гулец бо таленавіты.
У дзіцячым узросце жаданне быць усюды першым сапраўды не прыводзіла да канфліктаў у камандах. Хлопцы, наадварот, гралі на Сашу, а ён забіваў. Ну а перамагаць жа ўсім падабаецца. Так што з аднаклубнікамі Шасцюк быў у добрых адносінах, у кампаніях не губляўся. Аднак, наколькі чуў, пры пераходзе ў дарослы футбол імкненне быць лідэрам, няпросты характар часам перашкаджалі Сашы, часам здаралася непаразуменне з навакольнымі», – распавёў Грыб.
