Пеп Гвардыёла: «Казаў Зінчанку: «Алекс, у мяне шмат гульцоў на тваёй пазіцыі». А ён: «Не, не, не, я буду змагацца»
Галоўны трэнер «Манчэстэр Сіці» Пеп Гвардыёла пракаментаваў перыяд працы з украінцам Аляксандрам Зінчанкам.
«Думаю, кожны ў «Ман Сіці» яго любіць. Ён сапраўды быў важнай постаццю для клуба. У першыя гады ягонага знаходжання тут мы хацелі, каб ён змяніў каманду, бо думалі, што ён не будзе гуляць так шмат. Але Алекс сказаў: «Не, не, не, я хачу змагацца за сваю пазіцыю!».
Я казаў яму: «Алекс, у мяне шмат гульцоў на пазіцыі дзясяткі». А ён: «Не, не, не, я буду гуляць тут».
Зінчанка вельмі добра трэніраваўся, ніколі не крывіў твар, у яго заўсёды былі добрыя паводзіны. Звычайна, калі вы не гуляеце, то не кажыце, што хочаце застацца. Зінчанка быў зусім іншы, я заўсёды бачыў яго ў зале.
Часам у жыцці бываюць акалічнасці. Напрыклад, шмат траўм на адной пазіцыі. Ён скарыстаўся сваім шанцам на пазіцыі фулбека як апошнім шанцам у свеце. Гэта азначае, што ён добры футбаліст і мае добрае мысленне.
Артэта добра ведае яго, таму што яны працавалі разам са мной. Мікель верыў, што яму неабходна гэтая дэталь, асабліва ў білд-апе», – сказаў Гвардыёла.
Сёння «Арсенал» і «Ман Сіці» згуляюць у перанесеным туры АПЛ. Пачатак – у 22:30.
