«Нёман» звярнуўся ў судова-экспертную камісію з нагоды дыскваліфікацыі Алыкулава на фінал Кубка Беларусі

«Нёман» падаў заяву ў Судзейска-экспертную камісію па спрэчнаму рашэнню Сяргея Сцяцурына, звязанаму з жоўтай карткай Алыкулову.

Праз яе кыргызстанец прапусціць фінальны матч Кубка Беларусі супраць «Іслачы», які адбудзецца 25 траўня. Аднак рашэнне СЭК можа дыскваліфікацыю адмяніць.

«У сувязі з павялічанай колькасцю запытаў ад нашых заўзятараў, якія цікавяцца магчымасцю Гулжыгіта Алыкулава згуляць за «Нёман» у фінале Кубка Беларусі афіцыйна заяўляем

10 траўня клубам была пададзена заява ў Судзейска-экспертную камісію па спрэчным рашэнні галоўнага арбітра С. Сцяцурына ў эпізодзе з Г. Алыкулавым у паўфінальным матчы супраць каманды «Дынама-Мінск», у якім гульцу была паказана жоўтая картка, а таксама клубам быў выплачаны ўнёсак у памеры 50 базавых велічынь, звязаны з дзейнасцю СЭК і разглядам заявы.

На дадзены момант афіцыйнага адказу ад СЭК у адрас клуба не паступала. Мы чакаем хутчэйшага адказу і спадзяемся, што ён будзе станоўчым», – сказана ў заяве клуба.