Трэнер Вышэдка пра жаночы ЧБ: «Дынама-БДУФК» і «Мінск» гуляюць паміж сабой, потым не можам канкураваць з Іспаніяй і Англіяй. Па чутках, у ЧБ-2023 не так шмат будзе легіянераў»

Трэнер жаночай «Смаргоні» Яна Вышэдка падзялілася меркаваннем пра тое, што ў чэмпіянаце Беларусі сярод жанчын толькі два клубы, якія змагаюцца за перамогу, а таксама пра змены, якія чакаюць чэмпіянат у сезоне-2023.

– Напэўна, найбольшая канцэнтрацыя дзяўчат вашай каманды павінна быць перад выхадам на гульні з «Мінскам» і «Дынама-БДУФК», бо гэтыя дзве каманды ў нас, скажам, мастадонты ў чэмпіянаце. Як вы ставіцеся да таго, што ў нас усяго дзве каманды ствараюць гэтую канкурэнцыю і тое паміж сабой?

– Ну, калі шчыра, то гэта не вельмі добра, што ў нас толькі дзве моцныя каманды, таму што потым на міжнародным узроўні мы не можам канкурэнцыю ніякую скласці Іспаніі, Англіі і іншым грандам футбола. Таму хочацца, вядома, каб чэмпіянат быў больш роўны, але пры гэтым мацнейшы. Бо ў нас дзве каманды гуляюць паміж сабой, а сам чэмпіянат адбываецца ніжэй.

– Вы казалі, што ў гэтым годзе нас чакае больш роўны сезон у плане працэсу чэмпіянату. Можа зусім іншыя вынікі нас чакаюць. Чаму?

– Таму што не так шмат будзе легіянераў. Але гэта зноў жа, чуткі, дакладна не ведаю. Але мне гэта цікава, бо я ўжо ў вышэйшай лізе, таму я цікаўлюся, хто там, куды там, што там. І я так думаю, што як і ў «Дынама-БДУФК», так і ў «Мінску», хутчэй за ўсё, не так шмат легіянераў будзе, як гэта было ў мінулыя гады, – сказала Вышэдка.