РПЛ: «Урал» Ганчарэнкi прайграў ЦСКА, «Балтыка» без Лісаковіча саступіла «Лакаматыву» і іншыя вынікі
25 траўня прайшлі матчы каманд з беларускай прысутнасцю ў 30-м туры РПЛ.
25 траўня
«Урал» Віктара Ганчарэнкі, Ягора Філіпенкі, Уладзіслава Малькевіча, Валерыя Бачарава, Дзяніса Шчарбіцкага і Арцёма Канцавога прайграў ЦСКА (0:2). Канцавы выйшаў на 78-й хвіліне, Філіпенка правёў усю гульню на полі, Шчарбіцкі правёў усю гульню на лаўцы запасных, Малькевіч і Бачараў у заяўку не патрапілі.
«Балтыка» Віталя Лісаковіча, Юрыя Кавалёва і Кірыла Капленкі саступіла «Лакаматыву» (1:3). Капленка выйшаў з першых хвілін, быў заменены на 71-й хвіліне і аформіў адзіны за гульню гол, Кавалёў выйшаў на 72-й, Лісаковіч у заяўку не патрапіў.
«Дынама» Андрэя Кудраўца прайграла «Краснадару» (0:1). Кудравец у заяўку не патрапіў.
«Крылы Саветаў» Ягора Карпіцкага і Кірыла Пячэніна падзялілі ачкі з «Ніжнім Ноўгарадам» (1:1). Пячэнін выйшаў на 85-й хвіліне, Карпіцкі ў заяўку не патрапіў.
«Арэнбург» Міхаіла Сівакова і Цімафея Мартынава згуляў унічыю са «Спартаком» (0:0). Сівакоў правёў усю гульню на лаўцы запасных, Мартынаў прапусціў матч з-за траўмы.
«Рубін» Аляксандра Мартыновіча і «Сочы» падзялілі ачкі (1:1). Мартыновіч выйшаў на поле на 82-й хвіліне.
