Прэтэндэнты на набыццё «МЮ» рабілі прапановы менш за 5 млрд фунтаў – яны лічаць, што Глейзер павінны знізіць патрабаванні

На гэтым тыдні патэнцыйныя пакупнікі «Манчэстэр Юнайтэд» правядуць сустрэчы з уладальнікамі клуба сям'ёй Глейзераў, паведамляе журналіст Бэн Джэйкабс.

Дэлегацыя катарскага шэйха Джасіма сустрэнецца сёння, 16 сакавіка, але сам шэйх не будзе прысутнічаць. 17 сакавіка будзе сустрэча з Джымам Рэткліфам.

Глейзеры яшчэ не вызначылі адзіную пазіцыю па продажы клуба. Яны трымаліся дастаткова аддалена ад працэсу, пакуль не паступілі арыенціровачныя прапановы. Усе арыенціровачныя прапановы ніжэй адзнакі ўладальнікаў «МЮ».

Пакуль ні адна прапанова не дасягнула 5 млрд фунтаў. Патэнцыйныя пакупнікі мяркуюць, што іх прапановы дастаткова моцныя, а Глейзерам трэба знізіць свае патрабаванні.

Была інфармацыя, што Глейзеры хочуць атрымаць 6 млрд фунтаў за «Манчэстэр Юнайтэд».