Якуб Янкта, які два месяцы таму здзейсніў камінг-аўт, вырашыў узяць перапынак ад футбола
Паўабаронца «Хэтафэ» Якуб Янкта, які на правах арэнды выступаў за пражскую «Спарту» вырашыў прыпыніць кар'еру, каб засяродзіцца на сваім здароўі.
Нядаўна «Спарта» абʼявіла аб скасаванні кантракту з Янкта пасля таго, як яго арыштавала мясцовая паліцыя за кіраванне без правоў. Падазраецца, што падчас інцыдэнту ён знаходзіўся ў стане наркатычнага апʼянення.
«За апошнія гады, а асабліва апошні, вакол мяне засяродзілася столькі ўсяго, што варта прытармазіць і падумаць аб сваім здароўі. З 18 гадоў маё жыццё круціцца вакол футбола. Ён шмат чаго мне даў, сёе-тое забраў і заўсёды даваў мне ўрокі.
Для мяне гэты год быў не лепшым са спартовага пункта гледжання, але я заўсёды ставіў вынікі клуба на першае месца. Мне вельмі шкада, што маё здароўе і псіхічны стан не дазваляюць мне прадоўжыць барацьбу за чэмпіянат і кубак Чэхіі.
Я не магу падабраць слоў, каб падзякаваць «Спарту». Дзякуй усім гульцам, трэнерам і заўзятарам! Таксама я шаную падтрымку ўсіх людзей, якія мяне атачаюць, уключаючы СМІ, дзе мы заўсёды праяўляем узаемную павагу», – цытуе гульца Relevo.
Нагадаем, у лютым гэтага года Якуб Янкта публічна абʼявіў заявіў, што ён гей.