Хаві – пра пастаянныя заўвагі да стану газонаў: «У тэнісе матч спыняецца, калі пачынаецца дождж, Леброн не будзе гуляць, калі паркет мокры»

Галоўны трэнер «Барселоны» Хаві распавёў, чаму не прапускае магчымасці звярнуць увагу на дрэнны стан газонаў на розных стадыёнах.

«Пякучае сонца і сухая трава не ідуць на карысць ні нам, ні відовішчу. Я не перастану пра гэта казаць, пакуль не з'явіцца адзін стандарт для ўсіх. Пытанне да Кіка (Санчэс Флорэс, трэнер «Хетафе» – заўв.), чаму ён не паліваў поле? Чаму не падстрыг яго, калі яно вырасла мацней, чым павінна быць?

У гольфе ніхто не гуляе, калі трава ў дрэнным стане, у тэнісе матч спыняецца, калі пачынаецца дождж. Леброн не будзе гуляць, калі паркет мокры, яго выціраюць швабрай насуха. Я не буду маўчаць, поле мае фундаментальнае значэнне.

Гэта не апраўданне дрэннага выніку, я кажу пра гэта нават тады, калі выйграю. Калі мы хочам паказваць добрае шоу – трэба паклапаціцца пра стадыён. На жаль, гэтага не адбываецца, а потым мы дзівімся, чаму моладзь губляе цікавасць да футбола.

Я буду працягваць казаць тое ж самае, нават калі пра мяне надрукуюць 200 тысяч жартаў», – сказаў Хаві.