Белінгем хоча гуляць за «Рэал», ён лічыць гэты варыянт найлепшым для сваёй кар’еры (AS)
Паўабаронца дортмундскай «Барусіі» Джуд Белінгем канчаткова вызначыўся з клубам, у які хоча перайсці. Пра гэта піша AS.
Паводле інфармацыі крыніцы, 19-гадовы брытанец хоча гуляць за «Рэал». Ён лічыць гэты варыянт найлепшым для сваёй кар’еры ў спартыўным плане.
Прадстаўнікі хаўбека і мадрыдскай каманды ўжо кантактуюць, а раней стала вядома, што галоўны скаўт «сметанковых» Хуні Калафат сустрэўся з бацькам футбаліста.
Сваю згоду на трансфер у «Рэал» Белінгем можа даць у бліжэйшы час. Пасля гэтага іспанцы пачнуць перамовы з «Барусіяй» Дортмунд.
Прэзідэнт Фларэнціна Перэс не гатовы плаціць больш за 120 мільёнаў еўра. Калі немцы будуць прасіць больш, то «Рэал» выйдзе з перамоваў, аднак такое развіццё падзей крыніца называе малаверагодным.
Сярод іншых прэтэндэнтаў на Джуда – «Манчэстэр Сіці». «Ліверпуль» ужо выбыў з барацьбы за права падпісаць гульца.
У бягучым сезоне Белінгем вызначыўся 11 галамі і 6 асістамі ў 39 матчах, яго падрабязная статыстыка – тут.