«Рэал» хоча падоўжыць кантракт з Карвахалем

«Рэал» плануе падоўжыць пагадненне з правым абаронцам Даніэлем Карвахалем, паведамляе Relevo.

Клуб жадае ўзнагародзіць яго за добры сезон і як мага хутчэй падпісаць новую дамову.

Цяперашні кантракт Карвахаля з «Рэалам» дзейнічае да лета 2025-га, і некаторыя кіраўнікі «сметанковых» прапануюць падоўжыць з гульцом пагадненне больш, чым на год, чаго звычайна не робяць для «ветэранаў».

У клубе задаволены гульнёй футбаліста. Трэнерскі штаб лічыць, што 32-гадовы Дані яшчэ можа правесці 5-6 гадоў на найвышэйшым узроўні.

Карвахаль выступае за першую каманду «Рэала» з лета 2013 года. У гэтым сезоне ён вызначыўся 5 галамі і 6 асістамі ў 38 матчах за клуб.

Поўная статыстыка 32-гадовага іспанца тут.