Грынвуду здаецца, што ён ужо ніколі не згуляе за «МЮ»
Нападнік «Манчэстэр Юнайтэд» Мэйсан Грынвуд сказаў сваім сябрам, што ён, хутчэй за ўсё, ужо больш ніколі не згуляе за клуб, паведамляе MailOnline.
У лютым з 21-гадовага англічаніна былі знятыя абвінавачванні ў згвалтаванні, але нягледзячы на гэта манкуніянцы працягваюць праводзіць унутранае расследаванне з гэтай нагоды, затрымліваючы вяртанне форварда на поле.
Футбалісту здаецца, што яго кар'ера ў Манчэстэры ўжо завершана. Ён поўны рашучасці зноў гуляць у футбол, але не думае, што яшчэ калі-небудзь надзене футболку «МЮ».
Раней паведамлялася, што на думку некаторых работнікаў клуба Грынвуду варта даць другі шанец, але камерцыйныя кіраўнікі больш асцярожныя ў гэтым пытанні, таму што вяртанне гульца можа нашкодзіць рэпутацыі клуба.
Футбаліст паспеў забіць 35 галоў і аддаць 12 выніковых перадач у 129 матчах, перш чым быў адхілены ў студзені 2022-года.