Рубен Дыяш: «Людзі могуць казаць усё, што хочуць, але мы лічым, што ў фінале ЛЧ няма фаварыта»

«Самая вялікая памылка, якую мы можам здзейсніць, – гэта забыцца, што гэта фінал. Людзі могуць казаць усё, што хочуць, але мы лічым, што ў гэтай гульні няма фаварыта. Фаварытам можна стаць толькі тады, калі выходзіш на поле і пачынаеш нешта рабіць.

Кожны сезон адрозніваецца. Кожны год нашае галоўнае выпрабаванне – пошук балансу пры тых рэсурсах, што ў нас ёсць. Думаю, усе мы можам пагадзіцца, што ў гэтым сезоне мы набылі асаблівы баланс. Адчуваю, што з таго часу, як я прыйшоў у гэты клуб, мы стварылі вельмі добрую, збалансаваную і моцную каманду. На дадзены момант мы выйгралі два трафеі. Імкнёмся да апошняга, зробім усё магчымае, каб яго заваяваць.

Гавару аб гэтым ужо даўно. У лютым надыходзіць наш лепшы перыяд. З гэтага часу наша каманда нязменна дэманструе сябе з лепшага боку. Сённяшні дзень не стане выключэннем. Гэта яшчэ адна магчымасць для ўсіх нас праявіць сябе.

У нас ёсць гурт з пяці капітанаў, але кожны з нас сам па сабе капітан. Кожны здольны сказаць сваё слова на поле, калі праб’е гадзіну. Гэта наша асаблівая якасць. Кожны гулец быў лідарам у мінулым. Мы сабралі гэтых футбалістаў разам. Калі патрэбны момант надыходзіць, мы ведаем, што час дзейнічаць.

Небяспеку ўяўляюць не толькі адзін, два ці тры гульца. Мы ведаем, што зробім памылку, калі не надамо хоць камусьці дастатковай увагі. Не збіраемся дапускаць гэтую памылку», – сказаў Дыяш.