Сяргей Паліцевіч: «Не плануем прапускаць у першыя 25 хвілін, а забіваць, канечне, плануем. Усё ж такі стандартныя палажэнні ёсць»

Абаронца зборнай Беларусі Сяргей Паліцевіч падзяліўся чаканнямі ад будучых матчаў супраць Ізраіля і Косава ў кваліфікацыі да Еўра-2024.

– Вы, як гулец зборнай, ці верыце вы ў выказванні Георгія Кандрацьева на тэму мінімум чатырох заробленых ачкоў?

– Першапачаткова, у любым выпадку, зарад павінен быць такі. А потым ужо будзем глядзець праўдзе ў вочы пасля фінальнага свістка. Да гульні мы не можам казаць: «У нас два матчы, давайце не будзем набіраць ачкі». Натуральна, для гульцоў і грамадскасці такія словы галоўнага трэнера – гэта добры пасыл. Ці зможам мы гэта рэалізаваць – іншы момант.

– Наколькі каманда звяртае ўвагу на ўзровень падрыхтоўкі суперніка, улічваючы тое, што многія нацыянальныя чэмпіянаты ўжо скончыліся тыдні 2-3 таму?

– Не тое каб індывідуальная гульня асобных футбалістаў апанентаў бярэцца ў разлік. Калі гаворка ідзе пра тое, каму каго трэба браць у самім матчы, то так. Персанальна прыгадваем, хто дзе гуляў, у якой форме і як даўно не з'яўляўся на афіцыйных матчах. Але гэта толькі пазнакі. Акцэнт на гэтым не робіцца. Два тыдні для футбаліста – нічога. Калі б гэта быў адпачынак на месяц, то іншая справа.

– На жаль у нашай каманды вялікая порцыя крытыкі кожны раз. Вы як дасведчаны гулец, ці адчуваецца нейкая скаванасць у зборнай ці ціск?

– Я не буду зараз адмаўляць відавочнае. Натуральна ціск ёсць, асабліва з-за частых адмоўных вынікаў. Але кожныя зборы спрабуеш абстрагавацца і набіраць максімум. Будзем браць свае ачкi, наколькі гэта магчыма. Для зборнай Беларусі зараз усе топы. Назавём так: усё, з кім мы сустракаемся, па рэйтынгу вышэйшы. А на полі ўжо будзе іншае.

– Наколькі найграваецца схема з трыма цэнтральнымі і ці зручна вам падладжвацца пад новую структуру. Іншую, чым у мінскім «Дынама»?

– Гэта маленькія тонкасці, не будзем тут Ізраілю адкрываць усе карты, а то яны слухаюць нашу праграму. А ўвогуле, у нас была толькі адна трэніроўка яшчэ. Паўнавартасна можна было падняць, як будзем гуляць, але лепш казаць не буду.

– У папярэдніх матчах у стартавыя 20 хвілін прапускалі мячы. Як зараз збіраецеся спраўляць сітуацыю і як не прайграць да стартавага свістка?

– Не плануем прапускаць у першыя 25 хвілін. Калі браць у цэлым, то ментальна не ўсё ў парадку, мы гэта разумеем. Але будзем настройвацца на іншую гульню і самі спрабаваць валодаць мячом.

– А як жа забіваць? Задача стаіць – чатыры ачкі?

– Ну вось калі не прапусцім, гэта ўжо мінімум адно ачко. Забіваць, вядома, плануем. Усё ж такі стандартныя палажэнні ёсць, – сказаў Паліцевіч.